شهادة المشير - اياكش تولع!

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أننه بلغ
س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس ؟

س3: ما الذي أبداه رئيس الجمهورية في هذه اللقاءءات ؟

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها يتبع ج٣-2: كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة يتبع ج٣-3: القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة – يتبع ج٣-4 : أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث

س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين؟ يتبع س٤-2: استعمال قوات الشرطة القوة ضد المتزاهرين بما فيها استخدام الاسلحة الخرطوش والنارية من 25 يناير حتي 28 يناير ؟

ج4 : ليس لدي معلومات عن هذا واعتقد ان هذا لم يحدث

س5: هل ترك رئيس الجمهورية السابق للمتهمين المذكورين من أساليب لمواجهة الموقف ؟

ج5 : ليس لدي معلومات

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟

ج7 : ليس لدي معلومات

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم 

سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟

ج9 : إنا معرفش ايه اللي حصل

س10 : هل تستطيع سيادتك تحديد هل كانت هناك عناصر أخري تدخلت ؟

ج10 : هيا معلومات غير مؤكدة بس اعتقد ان هناك عناصر تدخلت

س11 : وما هي تلك العناصر ؟

ج11 : ممكن تكون عناصر خارجة عن القانون

س12 : هل ورد لمعلومات سيادتك ان هناك عناصر اجنبية قد تدخلت ؟

ج12 : ليس لدي معلومات مؤكدة ولكن ده احتمال موجود

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟

ج13 : رئيس الجمهورية ممكن يكون أصدر أوامر – طبعا من حقه ولكن كل شئ له تقييده المسبق وكل واحد عارف مهامه

س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقش

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا



س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟



ج17: يسأل في ذلك مساعديه الذين ابلغوه هل هو علي علم أم لا



س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟





ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات



س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟



ج19 : هذه مسئولية جهات التحقيق



س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض علي رئيس الجمهورية؟



ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاسو


س21


: وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورةهر وفضه هي خطة وتدريب موجود في وزارة الداخلية ذلك من منظور ما وصل لعلم سيادتك ؟


ج 21 : معنديش علم بذلك

س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس سيارات لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟

ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها

23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟

ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش

س24 : هل هناك اصابات أو وفيات لضباط الجيش ؟

ج 24 : نعم هناك شهداء

س25 : هل تعاون وزير الداخلية مع القوات المسلحة لتأمين المظاهرات ؟

ج 25 : لأ

س26 : هل أبلغت بفقد ذخائر خاصة بالقوات المسلحة؟

ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة

س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟

27 : هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات

س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟

ج28: لا ..لم يتم القاء القبض على أى أحد

29: فى الاجتماع الذي تم يوم 20 يناير هل تم اتخاذ قرار بقطع الاتصالات؟

ج29 : لم يحدث

س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟

ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

حر الخريف

في عز الحر عز الصيف

جوا قلبي خريف

ورق الماضي بيتساقط

و أيامي بتمشي بحفيف

تجر وراها أشلاء لضحكة

و كومة قش مهر أليف

                          شريط أحداث مشاهده شبهي                         

مرايتي رافضة تصارحني بملامحي

 طبعة خطاوي على الرملة

بتابعها و شايفة صاحبها قدامي

و ماشية وراه

يهدي أهدي يمكن ألقى نزل

و ألاقي طول طريقي و سكتي هزل

 ريح تهب تطير بقايا مني

 ألاقيني غصب عني نزحت

عايزة أبطل احلم

 تتبخر أمالي

عايزة أبطل ارسم

 تتمحي ألواني

عايزة ابطل ابتسم

 تنتصر عليا أحزاني

عايزة ابطل أغني

 ميتسمعش موالي

عايزة أبطل ابني

 يتهدم بنياني

عايزة ابطل اكتب

 تتكسر أقلامي

عايزة ابطل اعشق الوطن

 اكتشف إن حبي شجن ملوش داعي

عايزة ابطل اثور

 اقع على جذور رقبتي تتكسر

 اشيد في الرملة قصور

 موجة بحر تغرقه و تنتصر

يشبك عقدي في السراب

لؤلؤه يتنثر

و لما احاول اطير

يمنعني إني من جنس البشر

ساعات بيكون بودي

                     اجري عالفرح و اتمحك في الرضا                       

البس هدوم كل فلتة عقل على حدى

اصرخ و اشخت و اتخنق

لما اكتشف إن صوتي ملوش صدى

الخماسين ساكنة ضلوعي و معششة

و عجينتي مش ناقصها غير شوية نشا

طفشاني ده من نوع مفتخر

هيجان و غضب و تراب و عفر

نويت في ضروب المواسم ابدأ سكة سفر

لكن حمولي تقيلة و ذنبي غير مغتفر

مليش دعوة

 برسل لسيادتك دعوة اسمع و انصت

لمزامير تدوي في آخر صفوف الشجعان

طبول الحرب يسمعها الأصم قبل الفرسان

شرود صابك و لا ده داء القوة و السلطان

ده الي يبيع في يوم الدم ما يستاهلش الإحسان

فيران تركض في كل مكان

و سوس العفن بينخر في البنيان

يا تلحق تبيد آفات البدن

يا تستنى وقوع السقف عالسكان

معادش بينفع الحكم بالفرمان

الباب العالي هده الطوفان

و قوة طوفان البشر أبقى و أقوى

برسل دعوة ليك انت اسمع و انصت

تلوم الحق على غضبه

و تدي للظلام أعذار

تقول ده رأي و وجهة نظر

لكن للنفوس أسرار

و زيك واقف بيتفرج

كأنه سيرك أو مهرجان

ليه مشلول يا محترم

جمود صابك و لا وهن

يا تتعارك يا تتركن

يا تنزع صك ملكيتك بإيديك

يا تعيش في دارك كما الخدم

يا تعيش إنسان في الإنسانية له قيمة

يا ترضى وسط الجموع تعيش كما البهيمة

يسيروك من غير ما تعرف رايح فين

و في آخر الليل يقفلوا عليك الحظيرة

يا تصون غلاوة الدم الي سال

يا تعيش جماد بلا روح كما الصلصال

يا تطوي صفحة العبودية و تحرقها

يا تنحبس جواها و أنفاسك تسطرها

يجيني الرد على كل الجوابات

مليش دعوة

مليش دعوة بغيلان الخوف

مليش دعوة مهما أشوف

مليش دعوة أنا للزفة و الفرحة

مليش دعوة في جوف الليل أنا بصرخة

مليش دعوة أنا بعقول للجهل رادخة

مليش دعوة ببلد تاخد ولا بتدي

مليش دعوة بالواقفين في الطريق ضدي

مليش دعوة بأب ينام مقهور

لما ابنه من الجوع ينام مبتور

مليش دعوة

و حتى لو يوم وصلني دعوة

يا في قسمة التركة

يا على حساب الكريم عشوة

مليش دعوة أنا بالوطن

و لا ليا في أي مكان أنا دعوة

يا مولانا

يا تايه في الضروب غفلان

كل الدعوات معاك

بس انت ذاكرتك هي الي خايناك

أو يمكن مهيش لازماك

بس أقولك 

بيك أنا كمان مليش دعوة

الأمل

الأمل كلمة معانيها مكركبة

في خيال العاشق مترتبة

رشة مية على ناصية متربة

تشريفة فخمة بزباين القهوة مرحبة

نوتة لحن تعزفها عصفورة مزقططة

تشدي أنغام الحنين للوطن و هي متغربة

نقطة ندى تروي لحظة الشروق وردة

تفتح شبابيك قلبها يفوح منه عبير الصبا

الأمل نقطة فاصلة بين الحياة و الموت

تفصل ما بين بداية شعب و نهاية طاغوت

سهراية تهرب من وطأة السكوت

يخطفها تلامذة اشقيا متزنقين في التخوت

موجة رايحة جاية تحضن الشطوط

تصبح على مراكب الصيد و تمسي على اليخوت

غيمة رحالة يوم لقا الأحبة تنور برق من غير صوت

تعلن للعالم أجمع حلول موسم المطر و التوت

الأمل أول و آخر سطر في قصة خرافية

مصباح علاء الدين و مغارة علي بابا و عصاية الجنية

اللحظة ال قبل التنحي و بعد الحرية

هو الأجندة و الكينتاكي و الأيادي الخارجية

وصفة الحياة السرية

هو مرارة الإحباط و حلاوة العزة بعد طول المطاطية

سلالم للعلالي مودية

تسبق خطاك ظلك و يفضلوا يتنافسوا و يتباروا بحماسية

قوس قزح ألوانه زاهية

يجمع حمار الدم و خضار الطيبة و بنفسج العندية

شاعر أجاد الوزن و القافية

يملى بلاط الشعب غزل و يملى بلاط الملك عكاسية

الأمل موجود في كل صلاة و عبادة

في جرس الكنيسة و في النطق بالشهادة

في ضي القمر الآسر و سطعة الشمس الوهاجة

في اختلاف الليل و النهار ما بين معاش و سكينة الحاجة

لا يعرف عرق أو جنس أو لون أو مكر الساسة

لا يعرف خوف من بطش و لا يحبس أنفاسه جلاد و حراسة

يمتطي جواده فارس يطوي صعاب الدهر الفاشية

يمشي لحاله يبني لحاله لا لازمه خدم و لا حشم و لا حاشية   

الأمل ذكرى حلوة تفكرك باللمة

عشرة عمر و ضحكة من القلب و فطار عالسريع من كافيتيرية الجامعة

وقفة البلكونة في عز ضيق الدنيا

تفكرك بإن الشوارع و الحواري و الطرق واسعة

شهيق زفير نفسك طويل أو قصير كده و لا كده الحياة ماشية

مهما حسبت و دبقت و خططت من دراسات جدوى

لولا الأمل في الله كبير ما كانت بعد المعصية تقوى

تلقى في وقت الشدة أسمى معاني الإيمان متمثلة في دعوى

  الأمل ساكن في زوايا و أركان كل بيت

يونسك في وحدتك شئت أم أبيت

وقت ما تستسلم يبدأ من حيث ما انتهيت

يشيل عنك حملك و يمحي قسى ما عانيت

يوسع مكان في قلبك لكل ما احتويت

يشيل من على روحك الصدى ال خلفها احتميت

و يعزز قيمة كل حاحة بيها في يوم احتفيت

تخلص مهمته وقت ما يلقاك بنصيبك ارتضيت

الأمل فاعل مرفوع بالضمة في جملة بكرة المفيدة

تتكتب بشغف و تتقري بتنهيدة

الأمل هو الأمل ما هواش حاجة جديدة

لكن بيتنسي في وسط الزحمة و سواد أخبار الجريدة

الألم ملازم لمخاض قدوم المخلوقات الوليدة

ما بالك بولادة وطن أكيد في قانون الحياة مش هيبقى حالة فريدة

و بشر الصابرين إن الجنة مش بعيدة

الأمل كلمة واحدة معانيها عديدة

معهد السمبوكسة

يا سادة يا كرام

يوجد في هذا الزمان

صرح علمي جليل 

يسمى معهد السمبوكسة

لو ربنا كرمك

و خاب أملك

ستذهب إلى هناك راكبا وكسة

فإذا برعت في أكل الكتب

و لعب الحجلة

سينوبك من النجاح حصة

و يضيع من عمرك أربع سنوات عجاف

تعيش فيها بلا أهداف

و هتترص رصة

ستتمنى لو أنك لم تكمل تعليمك

و لم تحفظ أناشيدك

و لم تذاكر الإحصاء

ستعامل معاملة الفلاح في فيلم الأرض

و تصاب بكل أنواع تسمم اللأكل

فإذا نجوت سيكافؤك بجايزة

تتكون من شهادة من ورق

تنفع لصنع المرق

أو تصنع منها قرطاسا للحلبسة

تعليم أكاديمي راقي

يتفوق على كل الجامعات

حتى تلك التي تقع في أمريكا و النمسا

يا أولي الأمر و مفكري الأمة

متى ستنكشف الغمة

إلى متى سيتعلم النشأ الخسة

نظام تعليم متهالك

يقتل الإبداع و الإبتكار 

و يشجع على الرجس

أناس شجعان

في عصر كان

قادوا التنوير و صاروا رمزا

يكفي جمودا و بيروقراطية

تقتل عقولا فظة

ليس التعليم بالشخط 

و الضرب و الغلظة

 إنما باللين و التفاهم و التشجيع

سيخرج إلى النور جيل

يقود عصر النهضة

يا أرباب العلم اغتنموا الفرصة

و غيروا الواقع 

فالحال يمكن أن يتغير في لحظة

في كل سنة يتخرج شباب

بدون علم أو مواهب

من معاهد السمبوكسة

إبتدائي 

إعدادي 

ثانوي

جامعي

كلها وكسة!

ولع النور!

عادت الحياة إلى طبيعتها و عاد كل مننا إلى شأنه لم يتغير أي شيء لكننا تغيرنا!في خلال الشهور القليلة الماضية مرت مصر بأحداث تاريخية و يبقى كل مننا خائف من القادم!تواجه مصر تحديات خطيرة,الإنفلات الأمني الذي يعاني منه كل مصري فلم يعد أي مننا يشعر بالأمان و أصبح النزول إلى الشارع أمر يتطلب استعدادات خاصة فتنة طائفية تشبه الجمر الذي يبدو منطفئا و لكن النار ما زالت تسكنه!الثورة المضادة التي ما زلنا نعيش تحت وطأة الخوف منها ففلول الحزب الوطني و أمن الدولة لن يتركوا الشعب المصري يعيش في سلام,الأموال الطائلة التي نهبها النظام على مر السنين فإذا عادت سددت نصف ديون مصر إن لم تكن كلها,هذا إلى جانب المشهد التاريخي الذي راينا فيه الحكومة كلها وراء القضبان و غيرها من الأحداث المتواترة التي لا تسعها مقالة واحدة بل و لا تسعها أي ذاكرة مؤقتة!كل هذه أمور أصبحت جزء من يوم المواطن المصري يعيش معها و بداخلها حتى أصبح يخاف من القادم يخاف من الغد ومن المستقبل!هذا الخوف و القلق و الظلام و التشائم!لقد فقد معظمنا روح الثورة و روح ميدان التحرير و الأخطر من ذلك أنه في مصر فئة لم تصلها روح التحرير و لا يعرفوا حتى الآن كيف كان مجتمع التحرير!و هذه الفئة مهملة من المثقفين و الناشطين و الإعلام!هذه الفئة تعيش في المحافظات و الأرياف!نرى في الإعلام أن مصر بتتغير و إحنا كمان و إعلانات و مناظرات و حوارات لشخصيات عامة لكن لم يخطر لأحد أن هناك فئة لا تهتم بالكلام و لا تأبه بكل هذا و هناك من لا يريد أن يتغير من الأساس!فما زالت القمامة تملأ الشوارع و الرشوة في معظم المصالح الحكومية و المعاكسة في الشوارع و المحسوبية!ما زال النظام القديم قائما في بقاع عديدة في مصر!هذا إلى جانب أنه كلما حدثت مصيبة تسمع المقولة المشهورة "أدي الي خدناه من الثورة" هناك من يتلكك لكي يلصق أي كارثة بالثورة في نظره الثورة لا يأتي منها أي شيء جيد بل المصائب فقط!و الطامة الكبرى أن عدم الإحترام و مخالفة القانون و البلطجة أصبحت تنسب إلى الثورة!مع أن هؤلاء لم يشاركوا في مظاهرة واحدة في حياتهم!من بات في ميدان التحرير 18 يوم تغير جذريا بل من وطأت قدمه ميدان التحرير مرة واحدة تغير و تشيع بأخلاق التحرير و لا يمكن أن تأتي منهم المصائب!كل هذا إلى جانب أنه لا زال بيننا من يدين بالولاء للنظام و يجب أن نجد طريقة للتعامل معهم لأنهم خطر دائم علي الثورة فهم يبثون سمومهم في الأوقات الحرجة!في رأي أسوأ ما قد يحدث للثورة ليس أن تلبس ثوب الدين و لا أن تركبها تيارات سياسية و لا أن تمزقها الفتنة الطائفية و الثورة المضادة و لا أن نواجه نكسة إقتصادية أو أن تضيع علينا أموالنا المنهوبة فكل هذه المصائب عندي إيمان كامل على قدرة الشعب المصري العظيم على مواجهتها و الإنتصار عليها!و لكن الأخطر و الأبشع هو أن لا يتغير المصريين و أن نعيش في الظلام و تأخذنا دوامة الحياة و نلتهي بالأحداث اليومية و ننسى 25 يناير!ننسى لماذا ثرنا!نحن لم نثر لكي نسقط نظام فحسب بل لنسقط الفساد و لننهض بمصر!لم نثر لنخلع رئيس و نأتي بغيره بل لنؤسس مجتمع ديموقراطي يعيش كل مننا فيه بكرامة و حرية متمتعا بحقوقه الكاملة كإنسان محترما القانون و متقيدا به خائفا على مصلحة بلده دائما!لم نثر لأجل البطالة و الطبقية و المحسوبية فحسب بل لنجعل مصر دولة خالية من كل مظاهر الفساد,دولة يأخذ كل مننا فيها حقه تالت و متلت!و هذا النموذج ليس صعب التحقيق فقد رأيناه بأعيننا في ميدان التحرير!مصر التي في خاطر كل مننا كانت في ميدان التحرير!المصري الأصيل رأيناه في ميدان التحرير رأينا السلفي و الإخواني و العلماني و الليبرالي و المسيحي و المنقبة و العجوز و الشاب و الغني و الفقير و السياسي و المفكر و العامل و الفلاح كل هؤلاء تجمعوا و اتحدوا و تعايشوا و تآخوا و التحموا فلم يفرقهم المولوتوف و الجمال و لم يفرقهم مخلوق كلهم خرجوا لأجل عيون الغالية التي تسكن قلوبنا فاكرين؟إذا أردنا أن نصل بمصر إلى ما نتمناه يجب أن تعم روح و نقاء و مباديء و قيم ميدان التحرير كل محافظة من  محافظات مصر شبر شبر دار دار زنجة زنجة!يجب أن يتشبع كل مصري بروح الثورة!علينا أن نتفائل و نحلم و نعمل و نسعى و نملأ حياتنا إيجابية و أن نحب مصر من كل قلبنا ز أن نعاهد نفسنا أن نغير مصر فأسوأ ما قد يحدث لمصر أن يتغير كل شيء و لا يتغير شعبها!مصر الآن كالطفل الذي يتعلم أول خطوات المشي قد يتعثر و قد يقع و لكن في النهاية سيمشي ثم يجري و لكن كيف لمصر أن تمشي في الظلام؟!ظلام اليأس و الخوف و السلبية و التجمد و اللا مبالاة و الجهل و الطائفية و الإختلاف فلو سمحت ولع النور!

I was just thinking:

it's funny how when you are blue you miss things that are right in front of your eyes!but when you start looking at life differently you see it!It was there all along!but you just had to change the glasses you used to view life with!so start looking at the big picture called life from a different corner that's actually right across the room!~ Engy Salah

إليك ملخص عني

إليك ملخص عني

لم أتعب يوما من التمني

أحلم بك و أرسمك في خيالي

و لكنني لست مستعدة للقائك في الوقت الحالي

أرغب في تحقيق ذاتي

كم من الصعب أن أحافظ على ثباتي

يا من في خيالي فكرة 

يا ليتك كنت حتى ماضي

لكي أطمئن أنني قابلتك و أنك حقيقة

و لست مجرد إطارا فاضي

تختلف الصور و الأشكال و الأسماء و المعاني

و لكن تظل أنت الحاضر الخافي

إليك ملخص عني 

حتى إذا ما جئت لا يفوتك لحظة من عمري

انتظرك و سأظل انتظرك حتى يمل الإنتظار مني

لن استعجل لقائك فمتى و أين لا يهمني

و إن لم تأتي أبدا فتأكد أن غيابك لن يضرني

فأنا بنفسي و عقلي كيان

و إذا ما كان وجودك و غيابك سيان

فلا أريدك في أي عصر أو زمان

و سأمزق هذه القصيدة و أعتزل الغرام

سأكرهك مع أنك من نسج المرام

و مع ذلك أعلم أنك تنتظرني كذلك

أعلم أنني فكرة و صورة في خيالك

لذلك إليك ملخص عني

حتى القاك و تعرف التفاصيل مني....

أرجوكم احذروا خفافيش الظلام!

على مدى شهر و هو عمر الثورة حتى الآن لم نرى نزاع طائفي واحد,لم تهدم كنيسة أو يؤذى مسيحي,رأينا أجمل صورة في العالم للوحدة الوطنية,المسيحيون يحمون المسلمين و هم يصلون و المسلمون يحمون المسيحيين و هم يصلون و لم يكن هناك فرق بين مسلم و مسيحي في ميدان التحرير و لا في أي مكان في مصر.و تردد الهتاف الرائع "مسلم مسيحي انت مصري"!إيه الي حصل؟؟؟!!مرة واحدة أصبح هناك فتنة طائفية؟؟!!مرة واحدة يقتل المسلمون و المسيحيون بعضهم!!ليييه؟؟!!طب لماذا لم يحدث هذا إلا بعد تولي عصام شرف الوزارة و سقوط أمن الدولة؟؟!!!يا ريت أولا نتذكر أن بعض رموز النظام مثل صفوت الشريف و زكريا عزمي ما زالوا طلقاء و كذلك تصريحات إسرائيل من البدء عن خسارتها لأهم حليف لها في الشرق الأوسط ثم بعد تولي عصام شرف منصب رئيس الوزراء حيث صرحوا عن عدم إرتياحهم لحكومة شرف و أنه معادي للسامية و عدم ترحيبهم لتولي نبيل العربي وزارة الخارجية بسبب مواقفه المؤيدة لفتح معبر رفح و إذا كان كل هذا مجرد أوهام فهناك شيء أكيد و ليس بأوهام و لا مجرد نظريات و هو إرتباط ما يحدث الآن من أحداث طائفية بسقوط أمن الدولة!!هذا الجهاز الشرس الذي ظل يتحكم في مصر من كل النواحي لأكثر من 30 سنة و كان يتمتع بسلطات مطلقة و ارتكب جرائم ترقى للخيانة العظمى كيف يسقط بدون قتال؟؟!!كيف سيرضى عناصره الذين اتحدوا مع بقايا النظام الساقط على أمل أن ينجوا من الحساب!!من الآخر عايزين يولعوا في البلد عشان يعرفوا يهربوا!!الأول لموا الناس حولهم عشان يستفزوهم فيلاقوا الوثائق و يفقدوا الثقة في كل الشخصيات العامة المشهود لها بالشرف و إلا كيف تفسر الهيصة الي كانوا عاملينها و هم يتخلصون من الورق ألا يستطيع أمن الدولة بجلالة قدره أن يتخلص من قذارته في هدوء و لماذا حرقوا ورق و تركوا ورق آخر؟؟!!!و كلام عمر عفيفي من مصادره أن هناك مؤامرة تدبر من 42 ضابط أمن دولة لخلق فتنة طائفية و اغتيال شخصيات عامة قبطية و مسلمة و التخلص من العادلي لكي يلهوا المصريين و يهربوا!!و الأنباء عن ضلوع مخبرين من أمن الدولة في تأجيج الفتنة و هدم كنيسة صول!أنا لا أبرر ما حدث فهو خطأ بكل المقاييس فقد أوصانا الرسول صلى الله عليه و سلم بأهل الذمة و أقباط مصر خاصة و لا يجوز أبدا الإعتداء على كنائسهم و لا أموالهم و لا طردهم من بيوتهم و يجب أن يحاسب كل من فعل ذلك!أنا بس عندي رسالة واحدة لكل المصريين وحدتنا في قوتنا متخلوش حد يخدعكم أبدا و لا يوقع بينكم, مصر عمرها ما كان فيها فرق بين مسلم و مسيحي و لم يعرف أبنائها هذه الفروق و قد أرينا العالم كله كيف تكون الوحدة الوطنية أرجوكم أرجوكم متخلوش مخطط خفافيش الظلام ينجح لا تدعوا دوامة الفتنة الطائفية تبتلعنا!نحن أقوى و أذكى من ذلك!و في النهاية الوطن مركبنا كلنا إذا غرق سيغرق بنا كلنا و لن يصل إلى بر الأمان إلا بنا كلنا أيضا!لا تعطوهم الفرصة كي يدمروا بلدنا!فليتحلى كل منا بالعقل و يوعي من حوله بخطورة ما يحدث و يعالج ما يراه من تعصب!رغم كل هذا في داخلي أمل و تفاؤل و إحساس أننا سنعبر كل هذه المحن و سنصل إلى المستقبل الجميل فالشعب الذي ثار على الفساد و غير الأمر الواقع لن يترك بلده تقع في هذا الفخ!فليتذكر كل منا ميدان التحرير و كيف ذابت الفروق بين عنصري الأمة و في النهاية مسلم مسيحي انت مصري!!

The runaway dove.

Love is a feeling of happiness and fear

Hard to find and hard to bear

Easy to loose but difficult to keep

With it's roots dug in the heart too deep

You are a part of my soul

You complete my goal

You keep me in one piece

You lead me to my inner peace

Love knows no age 

It's a happiness rage

Can't be controlled

Can't be put on hold

You make sense of what I say

You are my light in my way

I swear you have my word

On it witness the Lord

That you are my one and only love 

Even if you were a dream,Even if you were a runaway dove.

(4) قصائد ما قبل الثورة

عز
عز يا أمين على الوطني
فيك حاجة بتقلب بطني
دايما قالب بوزك
و عمال بتزود في فلوسك
زي برغوث بيمس في دم
واحد غلبان غرقان في الهم
طلعت زي عفريت العلبة
محدش عارف جيت منين و لا إزاي دخلت القبة
يا راجل ده انت عمركما نمت جعان
إزاي مقتنع إن الشعب كده شبعان
بتخطط و تسستم انت و أصحابك
و بتعمل كل الي يضمن تأمين حسابك
عز يا عز فيك شيء مستفز
الشعب بياكل عيشحاف و انت بتاكل بط و وز

(3) قصائد ما قبل الثورة

مجلس السرقة و النهب

موعد الإنتخابات أهو جيه

هتدفع كام يا بيه

مش معقول هنتخبك ببلاش

يا سيدي اعتبرني حتة قماش 

من الي مغرق بيهم الشوارع

مكتوب عليها انتخبوا رجل المنافع

الي هيشغلكم و يلبسكم و يأكلكم

و بعدما يدخل المجلس أدي دقني أهيه إن عبركم

ما هو أصل سياة النائب واخدها سبوبة

و في الآخر هي مسرحية و لعبة محبوكة

الراجل يبقى حرامي و واكل مال النبي

و يصرف ملايين على إدعاء الشرف و انت تصدقه يا غبي

المفروض يغيروا اسمه من مجلس الشعب 

و يبقى اسمه مجلس السرقة و النهب

(2) قصائد ما قبل الثورة

صباح الخير يا مصر

صباح الخير يا مصر إزيك إنهارده؟

بقينا في أنهو عصر و لا انتي لسة شاردة

ماسكة في تاريخك و في نيلك و للتقدم رافضة

يا ستي معلش تعالي على نفسك و اتمشي شوية بدل ما انتي قاعدة

الناس بتجري و تسبقك و انتي حتى على الزحف مش قادرة

أديني نبهتك أهو و حاولت اساعدك و الناس عليا شاهدة

خليكي في أصحابك إلي بالجزمة منهم واخدة

صباح الخير يا مصر ولا انتي خيرك خلص؟

بطلتي تدي ولادك و تزعلي لما ابنك يزعل و يتقمص

و يهج و يسيبلك ترابك و سحابتك السوداء و الحرس

صباح الخير يا مصر صباح الفول و الطعمية

صباح الخضارالمسرطن و ماسورتك الي ناشعة مية

صباح الحرامية الي ناهبين ثروتك

ما بقاش فيكي حاجة طب هتديهم إيه هدية؟

إيه رأيك في شعبك يبقوا عندهم عبيد 

و الله هدية تليق بمقامك هما شعبك دول شوية

صباح الخير يا مصر طب و الله بحبك

بس ما بقتش قادرة اسكت على ظلمك

و المصيبة لا قادرة أعيش فيكي و لا بقدر على بعدك

يا ريت تخفي على ولادك شوية ده احنا برده اسمناشعبك

و لا احنا مبقاش لينا فيكي و فقرنا و سملرنا مش عاجبك

صباح الخير يا مصر و الله حالك عجيب

لا ليكي غالي و لا ليكي حبيب

بتدوسي على ولادك و مطلعة عينيهم

و هما فيكي بيزرعوا و يبنوا بإيديهم

يطلبوا منك خيرك تديه لسجانهم

و انتي لو طلبتي الحماية يفدوكي بحياتهم

فيكي طيبة و أصالة و غلاوتك تزيد عن أي غلاوة

و الي يتولد فيكي يحبك مهما زدتي عليه قساوة

عاملة زي المركب الي قربت تغرق

و الي عايز يعيش ينط منك قبل ما يعلق

بس لو كلنا نطينا و سبناكي

مين بحياته و بماله و بروحه يفداكي

و لو هربنا منك هنهرب فين من الحنين و الشوق

أصل حبك ده عامل زي الطوق

بيخنق العاشق و بيربطه بيكي

و لو مرة حاول يبعد تندهيه بعينيكي

صدق الي قال عليكي زي النداهة

حبك ده شيء يبان على المصري بالبداهة

صباح الخير يا مصر هو انتي لسة مصر؟

(1) قصائد ما قبل الثورة

قصائد ما قبل الثورة(1)

كلماتي

يااااااااااااه بقالي سنين ما مسكتش ورقة و قلم و كتبت

 لغيت ما خلاص صوتي اتخرس وقربت أموت من الكبت

 كلام محبوس في قلبي مش راضي يطلع

خائفة أقوله تقوم معاه روحي تطلع

ماهو أصل الكلمة دي بنت الروح

تتولد في النفس و بسرك لا يمكن تبوح

إلا لو أذنت لها و حررتها

تخرج كأنها مركبة بتدور على مرسى لها

ساعات تخرج ملهوفة مستعجلة

و ساعات تتمشى بهداوة مسترسلة

و ساعات تبقى صرخة تهز جبال

   و ساعات تبقى كذبة و لعب عيال

وساعات تبقى صادقة تعبر عن حالك

و ساعات تبقى سلعة تشتريها بمالك

أنا بقى كلماتي اتخنقوا

من كتر ما اتحبسوا

مش عارفة اقولهم من كترهم

و لا عارفة اوصلهم من بعدهم

المهم إني مسكت ورقة و قلم و كتبت

ومع ذلك لسة برده هموت من الكبت

الصمت ده مرض خبيث

ضيف لا مرحب بيه و لا هو حسيس

يقعد على قلبك يقرف فيك

لا عارف تطرده و لا هو حاسس بيك

الصمت ده بعيد عنك داء

الصمت ده وباء

و الي يجيله لا ينفعه طبيب و لا علاج

ما يطيبش منه غير لما يكون للكلام محتاج

عودونا في المدارس ما نكتبش غير الواجب

يحفظونا كلمتين نقرهم في الورقة و أهو ده الي عاجب

عايشين في جهل و فقدان هوية

أيوه جهل!هو إنك مش عارف تاريخك ده شوية؟!

الكتاب مش بنشوفه إلا لو كان كتاب وزارة

والشعر ما بنسمعوش إلا لو معاه طبل و زمارة

بالذمة كلماتي غلطانة؟!

ماهي أصلها شايلة و مليانة؟!

كلماتي أعلنت الثورة على صمتي

و رفضت اليأس يكون وطني

قررت تعلن استقلالها و استقلالي

و تعبر عن حالها و عن حالي

رجعت صاحبتي بعد طول غياب

 من غير خصام ولا عتاب

طردت خوفي ال كاتم على نفسي

و ال لا مبالاة ال كاتمة حسي

  انت بقى كلماتك حرة و لا مكتومة؟

يا ترى كلماتك ظالمة ولا مظلومة؟

إنجي صلاح 

الشعب يريد نظام ميدان التحرير.

الشعب يريد إسقاط النظام...... قد إيه الي اخترع الهتاف ده عبقري!!!لخص مطالب الشعب كلها في كلمتين. و عشان نفهم الناس الي في التحرير دي بيعملوا إيه لازم نفهم الكلمتين دول كويس.الشعب الي هو أنا و انت و كل مصري ذاق الذل و الهوان,كل مصري اتظلم,كل مصري اتهانت كرامته,كل مصري اتخنق من الفساد و المحسوبية و الرشوة.الشعب الي خرج عشان يسقط النظام مكنش بس شباب كان شيوخ و غني و فقير و مسلم و مسيحي و مرأة و رجل و طفل و كلهم يجمعهم أنهم مصريين.خرجوا بدون إتفاق أو خطة و بدون قيادة و بدون أيديولوجيات حزبية أو دينية أوسياسية,حتى لما قرروا إن ميدان التحرير يبقى مقر الثورة كان أمر عفوي و لما قرروا الإعتصام كان تصرف عفوي برده. و الشعب ده أنشأ دولة خاصة به لها نظامها السياسي الخاص القائم على الحرية و الديموقراطية و نظام إجتماعي قائم على العدالة الإجتماعية و الكرامة الإنسانية و حتى نظام أخلاقي قائم على الشهامة و الجدعنة و المساواة و الوحدة الوطنية و إحترام الكبير و التعاون. و أساس شرعية و سلطة أي رئيس لنظام وأي سلطة في الدولة كلها هو الشعب. و بثورة الشعب سحبوا شرعيتهم من النظام كله و خلقوا شرعية ثورية هي الأساس الجديد لكل شيء يعني أي حاجة تتعمل في البلد من هنا و رايح لازم الشعب يكون راضي عنه و من حق الشعب ده إنه يعبر عن إرادته بطريقة سلمية و الطريقة السلمية دي هي المظاهرات و مينفعش من هنا و رايح يتخذ قرار معارض لإرادة الشعب,و الشعب ده  ذكي جدا و واعي و عارف مصلحته فين و لديه غريزة بقاء ثورته فيعلم تحديدا ما الخطوات التي ستضمن نجاح الثورة و استئصال الفساد و العبور بمصر إلى بر الأمان.نيجي بقى للنظام و النظام ده يشمل مبارك و أهو رحل و يشمل كل من شارك في هذا الفساد و أهدر المال العام و استولى عليه و لم يراعي مصالح الشعب في يوم و النظام يشمل أيضا من سكت عن الفساد و لم يفضحه.و النظام  ده يشمل كل  من تولى منصب قيادي في عصر مبارك سواء وزير أو عضو مجلس شعب أو محافظ أو عضو مجلس محلي أو إلخ إلخ و كذلك كل من كان في يوم من الأيام عضو في الحزب الوطني.و التطهير الشامل للبلاد يشمل أيضا إسقاط النظام الإجتماعي و الأخلاقي يعني من هنا و رايح مفيش فروق طبقية مفيش فرق بين مصري و التاني لازم كلنا نتعلم نتخلى عن التعالي و من انهاردة كل واحد فينا مسؤل و مينفعش تقول و أنا مالي لو شفت حاجة غلط غيرها و الي كان معتاد على أي شكل من أشكال الفساد لازم يتغير و هذا الفساد يبدأ من أول رمي الزبالة في الشارع حتى التزوير و الغش و برده نتعلم نعترف بأخطائنا و نتخلى عن العند والمكابرة و نعمل تجديد شامل لذاتنا يعني نيولوك لشخصياتنا و أفكارنا و طريقة تعاملنا مع الأمور و طريقة تعاملنا مع الناس من باب أولى.و يجب أن يدرس ميدان  التحرير لنا كلنا لنتعلم أخلاق الميدان و مبادئه.لو حصل كل ده الشعب هيبقى أسقط النظام و استبدله بنظام ميدان التحرير.و الشعب يريد نظام ميدان التحرير.